Futbol üzrə Azərbaycan millisi bu ilin mart ayında Belarus yığma komandası ilə yoxlama oyununda üz-üzə gələcək.
Arena.az xəbər verir ki, bu barədə AFFA-nın rəsmi saytı məlumat yayıb.
Xəbərdə bildirilir ki, qarşılaşma martın 25-də Bakıda baş tutacaq. Amma bu görüşün başlama saatı və keçiriləcəyi stadion hələlik məlum deyil. Bu barədə əlavə məlumat veriləcək.
Xatırladaq ki, Belarus yığması Azərbaycan millisi üçün tanış rəqibdir. Bu komandalar indiyə qədər 6 dəfə qarşılaşıblar. Bunlardan dördü yoxlama görüşü, ikisi isə rəsmi oyun olub. Bu qarşılaşmalardan ikisində heç-heçə qeydə alınıb, üçündə millimiz, birində belaruslular qalib gəliblər. Bir sözlə, Belarus yığmasını millimiz üçün uğurlu rəqiblərdən saymaq olar.
Xatırladaq ki, Belarus və Azərbaycan yığmaları son olaraq 2022-ci ildə UEFA Millətlər Liqasının qrup mərhələsi çərçivəsində üz-üzə gəliblər.
Sonda Azərbaycan millisinin Belarus yığmasına qarşı keçirdiyi əvvəlki oyunların siyahısını təqdim edirik:
1996-cı il
27 may. Molodeçno. YO. Belarus – Azərbaycan 2:2
2001-ci il
26 fevral. Albena. YO. Belarus – Azərbaycan 0:1
2018-ci il
23 mart. YO. Bakı. Azərbaycan – Belarus 0:1
2021-ci il
2 iyun. YO. Minsk. Belarus – Azərbaycan 1:2
2022-ci il
6 iyun. UML. Novi Sad. Belarus – Azərbaycan 0:0
13 iyun. UML. Bakı. Azərbaycan – Belarus 2:0
