ABŞ-ın Los-Anceles dairəsində davam edən yanğınlar nəticəsində həyatını itirənlərin sayı 10 nəfərə çatıb.
Los-Ancelesdə və ətrafında günlərdir davam edən yanğınlar yeni ərazilərə yayılmaqda davam edir.
Los Anceles dairəsinin məhkəmə-tibbi ekspertiza xidməti günlərdir davam edən yanğınlar nəticəsində 10 nəfərin öldüyünü açıqlayıb.
Yanğınlarda 10 mindən çox tikiliyə ziyan dəyib.
Eaton bölgəsində təxminən 14.000 hektar sahəyə yayılan yanğın hələ də nəzarət altına alınmayıb. Palisades bölgəsində təxminən 20.000 hektar ərazi külə çevrilib.
Los-Anceles polisi şəhərin Woodland Hills bölgəsində yanğın törətməkdə şübhəli bilinən şəxsin saxlanıldığını bildirib.
Los-Anceles dairəsinin şerifi Robert Luna Palisades, Eaton və bəzi ətraf ərazilərdə bu gün yerli vaxtla axşam saat 18-dənn səhər saat 6-ya qədər komendant saatı elan edəcəklərini söylədi.
Qeyd edək ki, hazırda Los-Anceles dairəsində təxminən 180 min nəfərə təxliyə göstərişi verilib, daha 200 min nəfər mümkün təxliyə xəbərdarlığının olduğu ərazidədir.
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
