"Əl-Nəsr"in ulduz forvardı Kriştianu Ronaldu Səudiyyə Ərəbistanı çempionatında "Əl-Ohdud"la matçın (3:1) 42-ci dəqiqəsində penaltidən qol vurub.
Fanat.Az xəbər verir ki, bununla da o, yeni rekord müəyyənləşdirib.
"Opta Sports"-un hesablamasına görə, portuqaliyalı hücumçu ardıcıl 24-cü təqvim ilində qol vuraraq indiyə qədər heç kimin futbolda əldə etmədiyi uğura imza atıb. O, peşəkar səviyyədə ilk qolunu 2002-ci il oktyabrın 7-də "Sportinq Lissabon"da Portuqaliya liqasında "Moreyrense" ilə matçda (3:0) vurub. Superulduz debütdə dubl edib.
Ümumilikdə Ronaldu karyerasında 917 qol vurub.
Mirağa
