AZ
Mövzular
Siyasət
10.01.2025 ◦ 17:30

"Müşahidə missiyasının vaxtının uzadılması Paşinyan iqtidarına siyasi dəstəkdir"

Avropa İttifaqının Xarici işlər və təhlükəsizlik siyasəti üzrə Ali Nümayəndəsi Kaya Kallas Aİ-nin Ermənistandakı müşahidəsi missiyasının qalma müddətinin daha iki il uzadılmasını təklif edib.

Bununla bağlı politoloq Zaur İbrahimli Demokrat.az-a açıqlama verib. 

O qeyd edib ki, mülkü müşahidə missiyası rəsmi Bakı ilə məsləhətləşmədən bura yerləşdirilib:

“Gözlənirdi ki, fevral ayında Avropa İttifaqı Ermənistan-Azərbaycan şərti dövlət sərhəddində yerləşdilən mülkü missiyasının vaxtını uzadılması məsələsinə yenidən baxacaq. Eyni zamanda biz bu mülki missiyanın yerini yetirdiyi vəzifələrlə bağlı müzakirə açılacağını gözləmirik. Çünki artıq qonşu ölkələrdən Rusiya bununla bağlı ciddi narahatlıq ifadə edib. Avropa İttifaqı birtərəfli olaraq qaydaları pozub və fərqli qərarlar qəbul edib. Həmçinin, bu mülki müşahidə missiyasına Kanadadan nümayəndələr də dəvət olunub. Bu baxımdan hesab etmək olar ki, bu qərar sadəcə olaraq Azərbaycan-Avropa İttifaqı münasibətlərində hazırda müşahidə olunan problemlərin həlli istiqamətində çətinlik yaradacaq. Real proseslərə təsir isə əlbəttə ki yoxdur. Çünki Azərbaycanın zəfərindən sonra ötən dörd il göstərdi ki, sülh gündəli ilə bağlı əsas təşəbbüs Azərbaycan tərəfindən gəlir”.

 Politoloq əlavə edib ki, Azərbaycan tərəfi mərhələ-mərhələ sülh gündəliyini icra etməkdədir:

“Müşahidə missiyasının vaxtının uzadılması həm də Paşinyan iqtidarına siyasi dəstəkdir. Heç bir halda bu müşahidə missiyasıyla bağlı qərarın qəbulu sülh gündəliyinin dəstəklənməsi deyil. Ermənistan doğurdan da sülh gündəliyinə sadiqdirsə, o zaman  bu müşahidə missiyasından imtina etməlidir. Ermənistanın sülh gündəliyinə sadiq olması məsələsi də burada sual altında qalır. Çünki sülh istəyən tərəf bir qayda olaraq etimadı möhkəmləndirməyə çalışır. Müşahidə missiyasının həmin ərazidə olması real sülh proseslərinə, Azərbaycan və Ermənistan münasibətlərinin normallaşmasına müsbət töhfəsi yoxdur”.

Leyla
Demokrat.az
Seçilən
36
34
demokrat.az

10Mənbələr