ABŞ-ın yeni seçilmiş prezidenti Donald Tramp 100-dən çox icra fərmanı hazırlayır və Ağ Evdəki ilk günündən etibarən onları imzalamağı planlaşdırır.
Moderator.az-ın "Associated Press"-ə istinadla verdiyi xəbərdə deyilir ki, xüsusilə, bu fərmanlar sərhəd təhlükəsizliyi, deportasiya və digər siyasət prioritetlərinə aid olacaq.
Tramp Kapitoli təpəsində qapalı görüş zamanı respublikaçı senatorlara planlar barədə danışıb.
Planlaşdırılan tədbirlərin bir çoxunun 20 yanvar İnauqurasiya Günündə başlanması gözlənilir.
Eyni zamanda Trampın müşaviri Stiven Miller respublikaçı senatorlara sərhəd təhlükəsizliyi və immiqrasiya nəzarəti ilə bağlı tezliklə tətbiq olunacaq tədbirləri təqdim edib.
