Rusiyanın Ulyanovsk və Samara hava limanlarının fəaliyyətinə müvəqqəti məhdudiyyətlər tətbiq edilib.
Yeniavaz.com xəbər verir ki, bu barədə “Rosaviasiyanın” Mətbuat Xidməti məlumat yayıb.
“Mülki hava gəmilərinin uçuşlarının təhlükəsizliyini təmin etmək üçün aşağıdakı hava limanlarında da təyyarələrin gəlişi və gedişi ilə bağlı müvəqqəti məhdudiyyətlər tətbiq edilib: Ulyanovsk (Baratayevka) - Moskva vaxtı ilə saat 13:40-dan; Samara (Kurumoç) - Moskva vaxtı ilə saat 14:00-dan.”, - məlumatda deyilir.
Qeyd olunur ki, uçuşun təhlükəsizliyini təmin etmək üçün təyyarələrin ekipajları, hava hərəkəti dispetçerləri və hava limanının xidmətləri bütün zəruri tədbirləri həyata keçirir.
