“Mançester Yunayted”in və “Vest Hem”in sabiq baş məşqçisi Devid Moyes “Everton”un baş məşqçisi təyin edilib.
Yeniavaz.com xəbər verir ki, bu barədə İngiltərə klubunun mətbuat xidməti məlumat yayıb.
Müqavilənin şərtləri açıqlanmayıb.
Qeyd edək ki, bundan əvvəl Şon Dayş klubun baş məşqçi postunu tərk edib.
61 yaşlı Moyes 2002-2013-cü illərdə “Everton”a rəhbərlik edib. Mütəxəssis İngiltərənin “Sanderlend”, “Preston” və İspaniyanın “Real Sosyedad” klublarında da baş məşqçi işləyib. Moyes 2013-cü ilin yayında “Mançester Yunayted”in başına keçərək, 1986-cı ildən kluba rəhbərlik edən Ser Aleks Ferqyusonu əvəzləyib. Moyes 2013-cü ildə “Mançester Yunayted” ilə Superkuboku qazanıb, lakin zəif nəticələrdən sonra 22 aprel 2014-cü ildə uzaqlaşdırılıb.
Şotlandiyalı İngiltərə Məşqçilər Assosiasiyası tərəfindən üç dəfə (2003, 2005, 2009) İngiltərə çempionatının ən yaxşı məşqçisi seçilib.
