Qış təlim-məşq toplanışlarını davam etdirən "Araz-Naxçıvan" və "Səbail" bu gün yoxlama oyunu keçiriblər.
Sportinfo.az xəbər verir ki, komandalar “Azersun Arena”da üz-üzə gəliblər.
Görüş Naxçıvan komandasının 2:1 hesablı qələbəsi ilə başa çatıb.
"Səbail"in heyətində Madi Queta fərqlənib. "Araz-Naxçıvan"ın qollarını isə Bernardo Dias və Miço Kuzmanoviç rəqib qapısından keçirib.
Bu, "Səbail"in cari fasilədə ilk yoxlama matçı olub. "Araz-Naxçıvan" isə yanvarın 9-da “Sumqayıt”la qarşılaşıb və 2:2 hesablı heç-heçə edib.
