“Araz-Naxçıvan”ın baş məşqçisi Elmar Baxsıyev bu gün “Səbail” komandasına qarşı keçirdikləri yoxlama oyununu şərh edib.
Arena.az xəbər verir ki, o, klubun mətbuat xidmətinə açıqlamasında bunları söyləyib:
“Hər iki oyundan razı qaldıq. Nə düşünmüşdüksə, komanda onu yerinə yetirməyə çalışdı. Yenə hər hissədə fərqli heyətlə oynadıq və hər kəsə eyni yükləməni verdik. Hansı çatışmazlıqlar vardısa, hər iki matçda gördük. Qarşıdakı məşq proseslərinda optimal formaya yaxınlaşacağıq”.
Xatırladaq ki, bu gün “Azərsun Arena”da baş tutan “Araz-Naxçıvan” – “Səbail” matçı Naxçıvan təmsilçisinin 2:1 hesablı qələbəsi ilə yekunlaşıb. Elmar Baxşıyev yetirmələrini daha öncə “Sumqayıt”la da oyunda sınaqdan keçirmişdi. Həmin görüşdə qalib müəyyənləşməmişdi – 2:2.
