Los-Ancelesdə davam edən yanğınlar nəticəsində indiyə qədər 13 nəfər itkin düşüb.
Axar.az xəbər verir ki, bu barədə vilayətin şerifi Robert Luna məlumat yayıb.
İtkin düşənlərin hamısının yanğınlarla əlaqəli olub-olmamasının hələlik bəlli olmadığını deyən Luna 40 axtarış-xilasetmə qrupunun itkin düşmüş insanları səhər axtaracağını bildirib:
“Təhlükəsizliyə görə, hava qaraldıqdan sonra təsirlənmiş əraziləri axtara bilmirik, ona görə də bu, yalnız gün işığında mümkün olacaq”.
Qeyd edək ki, Los-Ancelesdə baş verən yanğınlarda ən azı 11 nəfər həlak olub.
