İsrailin Qəzza zolağının müxtəlif bölgələrinə endirdiyi hava zərbələri nəticəsində ən azı 5 fələstinli həyatını itirib.
APA xəbər verir ki, bu barədə Fələstinin rəsmi agentliyi WAFA məlumat yayıb.
Ölən və yaralananlar Qəzza zolağının şimalındakı Əl-Avda xəstəxanasına yerləşdirilib.
Bildirilir ki, hadisə zamanı təcili yardım maşınında çalışan tibb qrupunun üzvü Həsən əl-Kehlut həyatını itirib.
***
09:12
İsrail artilleriyasının Qəzza zolağının mərkəzi hissəsini atəşə tutması nəticəsində fələstinlilər ölüb və yaralanıb.
APA xəbər verir ki, bu barədə Qətərin “Əl-Cəzirə” telekanalı məlumat yayıb.
"İsrailin Qəzzanın mərkəzində Əl-Bureyc və Nuseyrat qaçqın düşərgələrini artilleriya atəşinə tutması nəticəsində bir neçə fələstinli ölüb və yaralanıb" – telekanal bildirir.
