“Çelsi”nin baş məşqçisi Entso Mareska İngiltərə Kubokunun 3-cü mərhələsində “Morkam” üzərində ev qələbəsini (5:0) şərh edib.
Arena.az “Çelsi”nin rəsmi saytına istinadən, italyan mütəxəssisin bu barədə fikrini təqdim edir:
“Bu, qələbə baxımından yaxşı gün idi, bu, çox vacibdir. Belə oyunlardakı çıxış sizin nə qədər ciddi və peşəkar olduğunuzu göstərir və futbolçularım bunu bir daha nümayiş etdirdilər”, deyə Mareska vurğulayıb.
Qələbə sayəsində “Çelsi” İngiltərə Kubokunun növbəti mərhələsinə vəsiqəni təmin edib.
Xatırladaq ki, İngiltərə Kubokunun cari qalibi “Mançester Yunayted”dir. “Qırmızı şeytanlar” yarışın 2023/2024-cü illər mövsümünün həlledici oyununda əzəli rəqibi “Mançester Siti”ni 2:1 hesabı ilə məğlub edərək, 13-cü dəfə qənimətə sahib olublar.
Əlavə edək ki, İngiltərə Kubokunu ən çox qazanmış klub “Arsenal”dır, “topçular”ın 14 zəfəri var. “Çelsi” isə 8 dəfə İngiltərə Kubokunun qalibi olub.
