Səudiyyə Ərəbistanı Peşəkar Liqasının baş direktoru Ömər Muğarbel yerli liqa haqqında yaranmış qənaətlə razı deyil.
Arena.az AS dərgisinə istinadən məlumat verir ki, söhbət tanınmış futbolçuların yüksək maaşlara görə Səudiyyə Ərəbistanı Peşəkar Liqasına fəal axını ilə bağlı fikirdən gedir:
– Avropada belə bir fikir yayılıb ki, futbolçular Səudiyyə Ərəbistanına ancaq pul üçün gəlirlər.
– Bu barədə oyunçulardan asanlıqla soruşa bilərsiniz, amma sizi əmin edə bilərəm ki, bu, belə deyil, çünki imzalanmış məşhur oyunçuların meydanda olan təsirini görmək asandır. Rəqabət qabiliyyətinin necə artdığını da görə bilərsiniz. Biz oyunçuların cəmiyyətə necə inteqrasiya etdiyini görürük. Bütün bunlar Səudiyyə Ərəbistanı çempionatının inkişafı üçün böyük əhəmiyyət kəsb edir və məsələnin təkcə maliyyə tərəfinə aid deyil.
– Sizi, pulla hər şeyin alına biləcəyi ilə cavablayacaqlar…
– Xeyr. Davamlılığa pulla nail olmaq mümkünsüzdür. Tərəqqiyə müvəffəq olmaq üçün sizə plan, məqsəd və sövq, eləcə də intizam gərəkdir.
Vurğulayaq ki, son illərdə Səudiyyə Ərəbistanı Peşəkar Liqası futbolun həm struktur və həm də oyun baxımından xeyli tərəqqisinə nail olub. Yerli klublar dünya çaplı futbol ulduzlarını cəlb etməklə, maraqlı və rəqabətəqadir çempionat təsis etməyi bacarıblar.
