ABŞ-nin yeni seçilmiş prezidenti Donald Trampın gələcək milli təhlükəsizlik müşaviri Mayk Uolts Tramp və Rusiya prezidenti Vladimir Putin arasında görüş üçün hazırlıqların getdiyini bildirib.
APA xəbər verir ki, Uolts bu haqda “ABC” telekanalına müsahibəsində bildirib.
Onun sözlərinə görə, yaxın vaxtlarda telefon danışıqları aparıla bilər.
"Hələ bunun üçün dəqiq çərçivə müəyyən etməmişik. Bunun üzərində işləyirik. Amma bilirsiniz ki, ən azı yaxın günlərdə və həftələrdə bir zəng gözləyirəm. Bu, bizim ilk atacağımız addım olacaq və sonra biz hərəkətə keçəcəyik”, - deyə o bildirib.
