Bu gün futbol üzrə Almaniya çempionatında (Bundesliqa) 2024/2025-ci illər mövsümünün 16-cı turuna yekun vurulub.
Arena.az xəbər verir ki, sonuncu oyun günündə iki qarşılaşma baş tutub.
Altı qolun qeydə alındığı “Leypsiq” – “Verder” matçında meydan sahubləri qalib gəliblər. “Auqsburq” isə doğma meydanda “Ştutqart”a minimal hesabla uduzub.
Beləliklə, 16 turdan sonra 39 xal toplamış “Bayern” vahid liderdir. Son çempion “Bayer” 35 xalla ikinci sırada qərarlaşıbsa, “Ayntraxt”la “Leypsiq” 30 xal toplayıblar. “Maynts”ın 28, “Frayburq”un 27, “Ştutqart”ın 26, Dortmund “Borussiya”sı ilə “Verder”in 25, “Volfsburq”un 24 xalı var.
Almaniya, Bundesliqa
16-cı tur
10 yanvar
Borussiya (Dortmund) – Bayer 2:3
Qollar: Gittens, 12. Girassi, 79-pen – Tella, 1. Şik, 8; 19.
11 yanvar
Frayburq – Holştayn 3:2
Qollar: Remberq, 23-öz qapısına. Gunter, 38. Qrifo, 74 – Harres, 85; 90.
Haydenhaym – Union Berlin 2:0
Qollar: Kratsiq, 17. Bek, 83.
Hoffenhaym – Volfsburq 0:1
Qol: Amura, 29.
Maynts – Boxum 2:0
Qollar: Burkardt, 23; 69.
Sankt Pauli – Ayntraxt 0:1
Qol: Marmuş, 32.
Borussiya (Mönhenqladbax) – Bayern 0:1
Qol: H.Keyn, 68-pen.
12 yanvar
Leypsiq – Verder 4:2
Qollar: X.Simons, 24; 35. Şeşko, 47. Baumqartner, 90 – Vayzer, 26. Burke, 90+3.
Auqsburq – Ştutqart 0:1
Qol: Undav, 65.
