İspaniya Superkubokunun qalibi bəlli olub.
“Qafqazinfo”nun məlumatına görə, Səudiyyə Ərəbistanının Ciddə şəhərində keçirilmiş görüşdə “Real Madrid” və “Barselona” qarşılaşıb.
Oyun Kataloniya təmsilçisinin 5:2 hesablı qələbəsi ilə yekunlaşıb.
Qarşılaşmada hesab beşinci dəqiqədə açılıb. “Real”ın hücumçusu Kilian Mbappe Vinisius Juniorun ötürməsini qola çevirib. “Barselona”nın cavab qolunu 22-ci dəqiqədə Robert Levandovskinin ötürməsi ilə Lamin Yamal vurub. 36-cı dəqiqədə Levandovski penaltini dəqiq yerinə yetirib. Üç dəqiqə sonra “Barselona”nın braziliyalı futbolçusu Rafinyaoyunda dubla imza atıb. Birinci hissəyə əlavə olunmuş 10-cu dəqiqədə Kataloniya klubunun müdafiəçisi Aleks Balde hesabı darmadağın həddinə edib.
“Kral klubu”nun heyətində isə 60-cı dəqiqədə Rodriqo fərqlənib.
Əlavə edək ki, “Barselona”nın qapıçısı Voyçex Şensnı 57-ci dəqiqədə meydandan qovulub.
Qeyd edək ki, “Barselona” İspaniya Superkubokunu ən çox qazanan klubdur. “Mavi qranatlar” bu mükafatı 14 dəfə qazanıblar. “Real” isə 12 dəfə sahib olub.
