“Mançester Yunayted”in baş məşqçisi Ruben Amorim “qırmızılar şeytanlar”ın keçmiş çalışdırıcısı, əfsanəvi Aleks Ferqyuson haqda söhbət açıb.
Arena.az “Goal” dərgisinə istinadən, portuqal mütəxəssisin bu barədə fikrini təqdim edir:
“Bəlkə də bu, gələcəkdə mənə gərək olacaq, bilmirəm. Söhbət qələbə duyğusu haqqındadır. Bu hiss çox güvənc bəxş edə bilər. Əgər siz nəsə bir şey qazanırsınızsa, daha da çoxunu qazana biləcəyinizə inanırsınız. Bu duyğu bir növ adətkarlıq yaradır. Bunu təkrar-təkrar duyursan. Mən Ferqyusonun bu hekayəsini bilirəm.
Düşünürəm ki, o, qəniməti qazanmaqla deyil, əvvəlki mərhələdə güclü rəqibə qalib gəlməklə işini xilas etmişdi. Azarkeşlər “Fergi, get get” deyə qışqırırdılar, sonra isə onlar həmin oyunda qalib gələrək finala yüksəldilər. Mən bunu bilirəm”, deyə Ruben Amorim əfsanəvi şotland mütəxəssisin təcrübəsindən ilhamlandığını başa düşməyə əsas verib.
20 oyundan 23 xalla “Mançester Yunayted” İngiltərə Premyer Liqasının yarış cədvəlinin 13-cü pilləsində qərarlaşıb.
