PSJ-nin vingeri Marko Asensio İngiltərəyə yollanmağa hazırlaşır.
Fanat.Az xəbər verir ki, məlumatı jurnalist Loik Tansi yayıb.
Mənbə parislilərin ayrılmağa hazırlaşdığı 28 yaşlı futbolçunun adı açıqlanmayan Premyer Liqa klublarından birinə keçəcəyini iddia edib. PSJ-nin artıq həmin klubla danışıqlar apardığını bildirilir. İngiltərə mətbuatı isə söhbətin əvvəl də “Real Madrid”in keçmiş futbolçusuna maraq göstərən “Aston Villa” və ya "Nyukasl"dan getdiyini vurğulayır.
"Transfermarkt" futbolçunun dəyərini 20 milyon avro qiymətləndirir.
Asensio Fransa çempionatının bu mövsümündə 11 oyun keçirib və bu matçlarda 2 qol vurub, 4 məhsuldar ötürmə edib.
Mirağa
