ABŞ-ın Los-Anceles şəhəri və ətrafında günlərdir davam edən yanğınları nəzarət altına almaq mümkün deyil. Yaşayış məntəqələrinə çatan yanğın indiyədək 40 min hektar ərazini kül edib. Minlərlə evə ziyan vuran təbii fəlakətdə 24 nəfər həyatını itirib.Los Angeles County Coroner Office yanğınlarda ölənlərin sayı ilə bağlı yenilənmiş məlumatları açıqlayıb.Yanğında ölənlərin sayının 24-ə yüksəldiyi, İtonda 16, Palisadesdə isə 8 nəfərin öldüyü qeyd edilib.Açıqlamada 16 nəfərdən xəbər alınmadığı və bu rəqəmin arta biləcəyi vurğulanıb.Bu arada, təqribən 150 min insan üçün təxliyə əmri verilib, 700-dən çox təxliyə edilmiş sakin sığınacaqlara yerləşdirilib.Səlahiyyətlilər insanların itkin düşənlər barədə məlumat verməyə imkan verən mərkəzin yaradıldığını və təxliyə edilənlərin evlərinə dəyən zərəri qiymətləndirə biləcəyi onlayn məlumat bazası yaradıldığını açıqlayıb.Milli Meteoroloji Xidmət rəsmiləri yanğını gücləndirə biləcək küləklərin yanvarın 15-dək davam edəcəyi barədə xəbərdarlıq edib.
