Bir həftə əvvəl Rusiyanın Engels şəhərindəki bazasındakı neft anbarında Ukraynaya məxsus pilotsuz təyyarənin hücumundan sonra başlayan yanğın söndürülüb.
“AzPolitika” xəbər verir ki, bu barədə Saratov vilayətinin qubernatoru Roman Busargin bildirib.
“Biz gecə saatlarında Engelsdəki sənaye zavodunda açıq yanğını söndürə bildik”, - deyə rayon rəhbəri bildirib.
Busargin hər hansı təfərrüat verməsə də, “işlərin davam etdiyini” əlavə edib.
Qeyd edək ki, Ukrayna pilotsuz təyyarələrinin hücumuna məruz qalan Rosrezerv neft anbarı yanvarın 8-dən etibarən yanır. Hadisədən bir gün sonra şəhərdə fövqəladə vəziyyət elan edilib.
“Engels-2” aviabazası üçün yanacaq saxlamağa cavabdeh olan federal dövlət qurumu olan “Rosrezerv”-in Kristall zavodunun neft anbarının əhəmiyyətli hissəsi sıradan çıxıb. Bazada strateji bombardmançılar, o cümlədən Ukrayna ərazisinə hücumlarda iştirak edən hücum təyyarələri yerləşir.
Fövqəladə Hallar Nazirliyinin yanğınsöndürmə xidmətinin iki əməkdaşı yanğını söndürərkən ölüb, bir nəfər isə xəstəxanaya yerləşdirilib.
“AzPolitika.info”
