Utair Boeing 767 təyyarəsi ilə Moskvadan Dubaya uçan onlarla sərnişin təyinat yerinə uçmaqdan imtina edib.
Medianews.az “Lenta.ru”ya istinadən xəbər verir ki, hadisə yanvarın 11-də baş verib.
Uçuşunun yarısını uçan təyyarə Moskvanın Vnukovo hava limanına qayıdıb və yenidən uçuşu davam etdirmək üçün onu təmir edəcəklərinə söz verilib.
Bir çox insanlar eniş zamanı eşitdikləri qorxulu səsə görə uçmaqdan qorxub. Təyyarə bütün hidravlik mayesini itirib.
Sonradan aviadaşıyıcı enişin normal olduğunu deyərək bunu təkzib edib. Bildirilir ki, sərnişinlərin və ekipajın vəziyyəti yaxşıdır.
