MİLGEM layihəsi çərçivəsində STM və TAİS şirkətləri tərəfindən Türkiyə Hərbi Dəniz Qüvvələri (HDQ) üçün birgə inşa edilən İSTİF (“İ”) sinifli “TCG İzmir” (F-516) və “TCG İzmit” (F-517) freqatları suya endirilib.
“Poliqon” xəbər verir ki, bu barədə Türkiyənin müdafiə sənayesini başqanı Haluk Görgün özünün “X” hesabında paylaşım edib.
Paylaşımda F-516 və F-517 freqatlarının 80% nisbətində yerlilik həcminə sahib olduqları və yüksək texnologiyaları sistemlərlə təchiz edildikləri bildirilib.
Xatırladaq ki, MİLGEM layihəsi çərçivəsində STM-TAİS-in inşa etdiyi ilk İSTİF sinifli “TCG İstanbul” (F-515) freqatı ötən ilin yanvar ayında Türkiyə HDQ-yə təhvil verilib.
