Məhəmməd Sinvar Qəzza zolağında Fələstinin radikal HƏMAS hərəkatının yeni lideri olub.
Medianews.az “Lenta.ru”ya istinadən xəbər verir ki, bu barədə The Wall Street Journal (WSJ) məlumat yayıb.
Sinvar HƏMAS-ın yaraqlı qanadı İzzəddin əl-Qəssam Briqadalarına rəhbərlik edir. Nəşrin məlumatına görə, o, HƏMAS Siyasi Bürosunun keçmiş rəhbəri Yəhya Sinvarın 2024-cü ilin oktyabrında İsrail hərbçiləri tərəfindən ləğv edilmiş kiçik qardaşıdır.
Qəzetin həmsöhbətlərinin sözlərinə görə, Məhəmməd Sinvar Fələstin hərəkatının dirçəlişini fəal şəkildə müdafiə edir, çünki İsrailin hərbi əməliyyatı onun döyüş qabiliyyətini zəiflədib.
Oktyabrın 17-də İsrail Müdafiə Qüvvələri (IDF) Qəzza zolağında keçirilən əməliyyat nəticəsində Yəhya Sinvarın mümkün ləğvini elan edib. Daha sonra DNT testi zərbə yerində tapılan qalıqların həqiqətən də Həmas liderinin olduğunu təsdiqləyib.
