NATO-nun 9 ölkəsindən minlərlə hərbçi Şərqi Avropada mümkün münaqişə vəziyyətində Avropanın çevik reaksiya vermə qabiliyyətini yoxlamaq üçün təlimlərə başlayıb.
"Cebheinfo.az" xəbər verir ki, NATO-nun verdiyi açıqlamaya görə, “Steadfast Dart 25” adlı təlim 13 yanvar - 26 fevral tarixləri arasında Rumıniya, Bolqarıstan və Yunanıstanda keçiriləcək.
Təlim 2024-cü ildə yaradılan Müttəfiq Reaksiya Qüvvələri (ARF) tərəfindən həyata keçiriləcək və təlimdə hava, quru, dəniz və xüsusi əməliyyat qüvvələrindən təxminən 10 min əsgər iştirak edəcək.
Təlim həm də Ukraynadakı hadisələr fonunda NATO-nun çəkindirici gücünü nümayiş etdirmək məqsədi daşıyır.
