Ərəblər "Liveprul"un ulduzuna 3 dəfə çox maaş təklif edirlər, amma...

"Liverpul"un hücumçusu Darvin Nunyes karyerasını Səudiyyə Ərəbistanında davam etdirə bilər.
reportyor.tv xəbər verir ki, ərəblər uruqvaylı futbolçuya yüksək maaş təklif edirlər. Bu barədə İngiltərə KİV-ləri məlumat yayıb.
Bildirilir ki, 25 yaşlı hücumçunu həftəlik təxminən 400 min funt sterlinq məvacib ödəməyə hazır olan "Əl-Hilal" heyətinə qatmaq istəyir. Onun "Liverpul"dakı həftəlik maaşı isə bundan təqribən 3 dəfə azdır.
"Qırmızılar" Nunyesin satılmasına qarşı deyil. Lakin potensial alıcı onun üçün 85 milyon ödəməli olacaq. "Əl-Hilal" isə Darvinə görə bu qədər pul ödəmək fikrində deyil.