Bərdədə qayda pozan sürücü qəza təhlükəsi yaradıb.
Avtosfer.az-ın məlumatına görə, hadisə yanvarın 11-də saat 15:02 radələrində qeydə alınıb. Belə ki, geriyə dönən “Tofaş Şahin” markalı avtomobilin sürücüsü sol zolağa qəfil keçid edib və bu zaman görüntünü qeydə alan sürücüyə qəza şəraiti yaradıb. Təhlükəylə üzləşən sürücü siqnal verərək xəbərdarlıq etsə də qayda pozan şəxs ona əhəmiyyət verməyib.
Qeyd edək ki, “Yol Hərəkəti Haqqında” qanunun 42-ci maddəsinə əsasən, sürücü sağa, sola və geriyə dönməzdən öncə kənar vəziyyət tutmalıdır.
Nərmin
