Qax, 13 yanvar, Mustafa Dadaşov, AZƏRTAC
Qax Dövlət Kukla Teatrında italyan yazıçısı Karlo Kollodinin “Pinokionun sərgüzəştləri” əsəri əsasında səhnələşdirilən eyniadlı tamaşa üzərində məşqlər davam edir.
Bu barədə AZƏRTAC-ın bölgə müxbirinə teatrın baş rejissoru, Əməkdar artist Yusif Abdurahmanov məlumat verib.
Dövlət sifarişi əsasında hazırlanan tamaşanın quruluşçu rejissoru Y.Abdurahmanov, quruluşçu rəssamı Mayis Abdullayev, musiqi tərtibatçısı Nicat Fətəliyevdir. Tamaşada Pinokio obrazını Aynurə Abbasova, usta Cepetto obrazını isə Azər Kərimov ifa edirlər. Canlı aktyor və kukla oyununun sintezi əsasında hazırlanan səhnə əsərində, həmçinin Rahib Məmmədov, Cəbrayıl Quluşov, İlmar Abdullayev, Məlahət Məmmədova, Elnurə Əliyeva, Fidan Mahmudzadə, Elnarə Razıyeva və digər aktyorlar da rol alıblar.
Tamaşa birinci rübün sonunadək uşaqlara təqdim ediləcək.
