1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Bakı şəhəri, Sabunçu rayonu sakinləri küçədə işıqfor olmamasından şikayətçidirlər.
Onlar Oxu.Az-a ünvanladıqları şikayətdə qeyd ediblər ki, Bakıxanov qəsəbəsi, Şərq və Gənclik küçələrinin kəsişməsində quraşdırılan işıqforlar iki ilə yaxındır işlək vəziyyətə gətirilməyib.
Daxili İşlər Nazirliyinin (DİN) Nəqliyyatı İntellektual İdarəetmə Mərkəzinin (NİİM) mətbuat katibi Ömər Xıdırov Oxu.Az-a açıqlamasında bildirib ki, sözügedən ərazidə bu vaxta qədər işıqfor olmayıb:
"Sabunçu rayonu, Bakıxanov qəsəbəsi, Şərq və Gənclik küçələrinin kəsişməsində bu vaxta qədər işıqfor olmayıb. NİİM-in əməkdaşları tərəfindən ərazidə təhlillər aparıldıqdan sonra, işlərə başlanılıb. Mərkəz tərəfindən kəsişmədə piyada işıqforları da daxil olmaqla ümumilikdə 12 yeni işıqfor quraşdırılıb və işə salınıb. Hazırda sürücü və piyadalar yoldan təhlükəsiz şəkildə istifadə edirlər".
Aygün Mirakif
