Gəncə şəhərində ağır yol qəzası baş verib.
“Qafqazinfo” xəbər verir ki, hadisə şəhərin “Totanlı dairəsi” adlanan ərazisində qeydə alınıb.
Belə ki, “VAZ 2106” və “VAZ2107” markalı avtomobillər toqquşub.
İlkin məlumata əsasən qəzada biri azyaşlı olmaqla bir neçə nəfər xəsarət alıb.
2016-cı il təvəllüdlü T.H Gəncə Birləşmiş Xəstəxanasına aparılıb. Vəziyyəti orta-ağırdır.
Faktla bağlı araşdırma başlanılıb.
***
Yol qəzasında xəsarət alanların sayı artıb.
Belə ki, qəzada 9 yaşlı T. H ilə yanaşı, 13 yaşlı İ.B, 12 yaşlı Ə.Ə, 8 yaşlı E.Ə və 24 yaşlı Qurban İbrahimov müxtəlif dərəcəli bədən xəsarətləri alıblar.
Azyaşlılar Gəncə Birləşmiş Uşaq Xəstəxanasına, Q.İbrahimov isə şəhərin digər tibb müəssisəsinə yerləşdirilib. Yaralıların vəziyyəti orta-ağırdır.
Yunis Quliyev
