22 yanvar 2025-ci il tarixində, saat 14:00-da Mirvarid Dilbazi Poeziya Məclisinin təşəbbüsü və təşkilatçılığı ilə əmək qəhrəmanı Tərlan Musayevanın 70 illik yubileyinə həsr olunmuş tədbir keçiriləcək. Tədbir Səbail rayonu, Gəncliyə Yardım Fondunda baş tutacaq.
QHT.az xəbər verir ki, tədbirdə araşdırmaçı yazar, publisist Vaqif Osmanlının Tərlan Musayevanın ömür yoluna və fəaliyyətinə həsr etdiyi “Ulu Öndərin “canlı əsəri” Tərlan” kitabının təqdimatı olacaq. Kitabın redaktoru Güllü Eldar Tomarlı, ön söz müəllifidir.
Tərlan Musayeva – əmək qəhrəmanı və nümunəvi şəxsiyyət
Hələ gənc yaşlarında pambıq tarlalarında başladığı əmək fəaliyyəti ilə xalq qəhrəmanlarının sırasında yer alan Tərlan Musayeva, Bəsti Bağırova və Sevil Qazıyevanın yolunu davam etdirərək halal zəhməti ilə böyük zirvələrə çatmışdır. SSRİ Ali Sovetinin üzvü və müstəqil Azərbaycanın birinci çağırış Milli Məclisinin millət vəkili olmuş Tərlan Musayeva “Qırmızı Əmək Bayrağı” və “Xalqlar Dostluğu” ordenləri ilə təltif edilib.
Tərlan Musayevanın uğurları və zəhmətkeş həyatı Ümummilli Lider Heydər Əliyevin dəstəyi və qayğısı ilə daha da dəyərləndirilmişdir.
Tədbir hər kəs üçün açıqdır və iştirak etmək istəyənlər dəvət olunur.
Tədbir məlumatları:
Tarix: 22 yanvar 2025-ci il
Saat: 14:00
Ünvan: Səbail rayonu, Gəncliyə Yardım Fondu, Cəfərov qardaşları küçəsi, 16
Əlaqə nömrəsi: 0516225113
