Ukrayna mühaibəsində maraqlı hadisə baş verib. RT-nin yaydığı məlumata görə, Xarkov istiqamətində Triçikl adlı it döyüş tapşırığı zamanı 344-cü alayın əsgərlərini xilas edib.
Telekanalın məlumatına görə, heyvan minaya düyüb. Lakin o, onun izi ilə gələn əsgərlərə mina ilə bağlı xəbərdarlıq nümayiş etdirə bilib. Hadisədən sonra Triçiklin pəncəsi amputasiya edilib: "Lakin o, artıq yenidən qaça bilir!".
Maraqlıdır ki, bu it düşmən PUA-larının yaxınlaşmasının da xəbərdar edir. O təhlükənin yaxınlaşdığını görən kimi hürdüyünə görə əsgərlər tərəfindən “əsas həyəcan zəngi” adlandırılır.
Qeyd edək ki, Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçib. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib.
Tural
