Nobel mükafatı laureatı Malala Yousafzay müsəlman liderləri Əfqanıstandakı “Taliban” hökuməti ilə qızlara və qadınlara qarşı zülm siyasətinə görə müqavimət göstərməyə çağırıb.
Hafta.az-ın yazdığına görə, İslamabadda Pakistanın ev sahibliyi etdiyi müsəlman ölkələrində qızların təhsili ilə bağlı beynəlxalq konfransda çıxış edən fəal “Taliban”ın hərəkətlərinin “inancımızın müdafiə etdiyi hər şeyə zidd” olduğunu deyib.
"Sadə dillə desək, “Taliban” Əfqanıstandakı qadınları insan hesab etmir" deyib.
27 yaşlı Yusufzay deyib ki, “Taliban” rejiminin siyasətində “islami heç nə yoxdur”.
İslam Əməkdaşlıq Təşkilatı, Ümumdünya Müsəlman Liqası və Pakistan tərəfindən təşkil edilən konfrans qızların təhsilini müdafiə etmək üçün müsəlman dünyasının müxtəlif ölkələrindən siyasi liderləri və alimləri bir araya toplayıb. “Taliban” liderləri də dəvət olunub, lakin qatılmayıblar.
Yusafzay “Taliban”ı Əfqanıstanda "gender aparteid sistemi" yaratmaqda ittiham edib. Onun sözlərinə görə, “Taliban” “qara qanunlarını pozmağa cəsarət edən qadınları və qızları döyərək saxlayıb və zərər verərək cəzalandırır". O, iddia edib ki, “Taliban” “mədəni və dini zəmində cinayətlərini gizlətsə də, onların hərəkətləri “inancımızın müdafiə etdiyi hər şeyə ziddir”.
Yusafzay qızların təhsili ilə bağlı çıxış etdiyi üçün “Pakistan Talibanı” silahlısı tərəfindən başından vurulduqdan sonra ölkədən təxliyə ediləndə 15 yaşında idi. “Pakistan Talibanı” Əfqanıstanı idarə edən “Taliban”dan ayrı təşkilatdır.
Yusafzayın konfransda iştirakı onun 2018-ci ildən bəri Pakistana ilk səfəri idi. O, hücumdan sonra ölkəsinə cəmi bir neçə səfər edib.
Yusafzay, "Əfqanıstan dünyada qızların 6-cı sinifdən sonra təhsil almasına tamamilə qadağa qoyulan yeganə ölkədir" deyib.
“Taliban” 2021-ci ildə Amerika və Britaniya qüvvələrinin geri çəkilməsindən və dəstəklədikləri hökumətin süqutundan sonra hakimiyyəti bərpa etdikdən sonra qadınların iş yerlərində, təhsildə, ictimai yerlərdə və ictimai idmanla məşğul olmasını qadağan edib.
