Ermənistanın xarici işlər naziri Ararat Mirzoyan və ABŞ dövlət katibi Entoni Blinken bu gün, yanvarın 14-də Vaşinqtonda strateji tərəfdaşlıq haqqında sənəd imzalayacaqlar.
Bu barədə Ermənistan Xarici İşlər Nazirliyinin Telegram kanalında məlumat verilib.
Ermənistan Xarici İşlər Nazirliyi tədbirin yerli vaxtla saat 22:00-da baş tutacağını və respublika Xarici İşlər Nazirliyinin rəsmi resurslarında yayımlanacağını açıqlayıb.
Bundan əvvəl Ermənistan Xarici İşlər Nazirliyi Ararat Mirzoyanın yanvarın 14-dən 15-dək Vaşinqtonda işgüzar səfərdə olacağını bildirmişdi. Onun amerikalı həmkarları, o cümlədən ABŞ dövlət katibi Entoni Blinkenlə görüşləri nəzərdə tutulub.
Oxuməni.az
