İsrail ordusu Qəzza zolağının şimalında Beyt Hanunda baş verən qarşıdurmada 5 əsgərinin öldüyünü açıqlayıb.
"Cebheinfo.az" xəbər verir ki, İsrail ordusundan verilən açıqlamada Qəzzanın şimalında sıx mühasirə altında olan Beyt Hanunda baş verən qarşıdurmada biri zabit olmaqla Nahal Briqadasından 5 əsgərin öldüyü, 8 əsgərin isə ağır yaralandığı bildirilib.
İsrailin Kanal 7 televiziyası da bir həftə ərzində Beyt Hanunda 15 İsrail əsgərinin öldüyü məlumatını paylaşıb. İsrail ordusunun məlumatına görə, 2023-cü il oktyabrın 7-dən bu yana ölən əsgərlərin sayı 840-a çatıb.
