İspaniya Superkubokunun finalında "Real Madrid"in "Barselona"ya darmadağın olması Madrid klubunun heyətində dəyişikliklərə səbəb olacaq.   Manset.az xəbər verir ki, bu barədə “Championat.com” İspaniya mətbuatına istinadən məlumat yayıb. Mənbənin məlumatına görə, paytaxt klubunun prezidenti Florentino Peres müdafiənin sağ cinahında Lukas Vaskesin çıxışından son dərəcə narazı qalıb. Məhz bu matçdan sonra klub rəhbərliyi futbolçunun müqaviləsinin uzadılmaması ilə bağlı yekun qərarı verib. "Real Madrid" Vaskesin yerinə "Liverpul"un futbolçusu Trent Alexander-Arnoldu kluba daxil etmək istəyirlər. 2024-cü ilin oktyabrında jurnalist Ramon Alvarez de Mon X sosial şəbəkəsində futbolçunun Real Madridə keçməyə razı olduğunu bildirmişdi.

• Barselona
• Real Madrid
• Dəyişikliklər
• Superkubok