ABŞ-nin Kaliforniya ştatının Los-Anceles şəhərində baş verən yanğınlar yeddinci gününə qədəm qoyub.
“Cebheinfo.az” xəbər verir ki, yanğınlardan gələn zərər ilk iki gündə 57 milyard dollar qiymətləndirilirdi və keçən cümə günü 150 milyard dollar olaraq açıqlandı, yeni rəqəmlərə görə, hazırda 250 milyard dolları keçib.
Hazırda ABŞ-nin Los-Anceles şəhərində davam edən yanğınlar nəticəsində dəyən ümumi zərərin və iqtisadi itkilərin 250-275 milyard dollar arasında olduğu təxmin edilir.
Los-Anceles bölgəsi yanvarın 7-dən bəri tarixinin ən böyük yanğınına səhnə olub. Güclü külək səbəbindən sürətlə yayılan yanğınlarda 160 min hektardan çox ərazi külə dönüb. Ən azı 24 nəfər həyatını itirib, 12 mindən çox tikili, o cümlədən məşhurların evləri yanıb.
ABŞ Prezidenti Cozef Bayden dağılmış Los-Anceles və ətraf əraziləri bərpa etmək üçün 10 milyardlarla dollara başa gələcəyini deyib:
“Los-Ancelesin bərpası üçün 10 milyardlarla dollar lazımdır.
Konqres işə qarışmalı və bu ehtiyacı maliyyələşdirməlidir. Biz bunu təmin edəcəyik”.
