Lənkəranın Siyavar kəndi yaxınlığı, Xəzər dənizində 2 nəfər balıqçı itkin düşüb.
“Qafqazinfo”nun məlumatına əsasən, itkin düşən şəxslərin yaxınları bildirib ki, sonuncu dəfə onların mobil nömrələrinə səhər saatlarında zəng çatsa da, cavabsız qalıb.
Balıqçıların axtarışlarına Fövqəladə Hallar Nazirliyinin (FHN) Cənub Regional Mərkəzin Kiçik həcmli Gəmilərə Nəzarət və Sularda Xilasetmə Dövlət Xidmətinin xilasediciləri cəlb olunub.
Axtarışlar davam etdirilir.
***
Fövqəladə Hallar Nazirliyinin məlumatına əsasən, hazırda itkin düşdüyü ehtimal edilən vətəndaşların - 1984-cü il təvəllüdlü İbayev Mahmud Əbdüləli oğlu və 1968-ci il təvəllüdlü Abbasov Nazim Səməd oğlunun axtarışları nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin qüvvələri tərəfindən həyata keçirilir.
Surxay Şahbazov
