1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
ABŞ-nin Kaliforniya ştatının Los-Anceles dairəsində meşə yanğınlarının vurduğu iqtisadi ziyan 250 milyard dolları ötüb.
Oxu.Az-ın xəbərinə görə, bu barədə "AccuWeather" konsaltinq şirkəti məlumat verib.
"Bu sürətlə yayılan, küləklə sovrulan cəhənnəm alovu ABŞ tarixində ən baha başa gələn meşə yanğınlarına səbəb oldu", - deyə "AccuWeather"in baş meteoroloqu Conatan Porter qeyd edib.
Şirkətin qiymətləndirməsinə görə, fəlakətin vurduğu ziyan 250-275 milyard dollar təşkil edib ki, bu da 2024-cü ildə "Helen" qasırğasının və 2020-ci ildə bütün meşə yanğınları mövsümünün vurduğu zərərdən çoxdur.
