Bakı, 14 yanvar, AZƏRTAC
Son bir həftə ərzində Liviya sahillərində 493 miqrant xilas edilib.
AZƏRTAC xəbər verir ki, bununla bağlı Beynəlxalq Miqrasiya Təşkilatı məlumat yayıb. Bildirilir ki, xilasetmə əməliyyatları zamanı üç miqrantın cəsədi çıxarılıb.
Qeyd edək ki, 2024-cü ildə 21 min 762 miqrant xilas edilərək Liviyaya qaytarılıb. Ümumilikdə Mərkəzi Aralıq dənizi yolunda 674 nəfər ölüb,1015 nəfər itkin düşüb.
