Yanvarın 14-də Xaçmazda üç nəfərin xəsarət alması ilə nəticələnən ağır yol-nəqliyyat hadisəsi baş verib.
Xezerxeber.az xəbər verir ki, hadisə Gəndob-Yalama yolunun Xaçmaz şəhəri ərazisindən keçən hissəsində qeydə alınıb.
Qəza zamanı "Opel" və KİA markalı minik avtomobilləri toqquşub.
Zərbənin təsirindən avtomobillərdə olan 3 nəfər xəsarət alıb. Hadisə şahidləri KİA markalı avtomobildə olan ana və körpə övladının daha ağır xəsarətlər aldığını bildirib. Yaralılar təcili tibbi yardım avtomobili ilə Xaçmaz Rayon Mərkəzi Xəstəxanasına çatdırılıblar.
Faktla bağlı araşdırma aparılır.
