Ölkəmizdə kənd təsərrüfatı çöküş dövrünü yaşadığı üçün digər məhsullar kimi unun da qiyməti qalxıb. Təbii ki, dünyada gedən müharibələrin də unun qiymətinə təsirsiz ötüşmür.
Məsələ ilə bağlı Tribunainfo.az-a açıqlama verən iqtisadçı Natiq Cəfərli unun bahalaşmasının səbəblərini sadaladı.
Ekspertin sözlərinə görə, unun qiymətinin artması bizim xaricdən asılılığımızın nəticəsidir. Biz 70-75 faiz əmtəəlik buğdanı xaricdən alırıq. Özümüz istehsal edə bilmirik.
“Xaricdə qiymət artımı olan kimi ölkə daxilində də qiymətlərin artımı təəssüf ki, müşahidə olunur.
Yazlıq buğda bazara çıxandan sonra may-iyun aylarında dünyada qiymət azalması baş verərsə o zaman Azərbaycanda da qiymətlərin yenidən ucuzlaşmasını görə bilərik. Məntiqlə və bazar iqtisadiyyatı qaydalarına görə, belə olmalıdır”.
Dəniz
