"Barselona" İspaniya Superkubokunun finalında - "Real Madrid"lə oyunda zədələnən müdafiəçisi İnyiqo Martinesin hansı müddətə sıradan çıxdığını açıqlayıb.
Fanat.Az "blauqrana"nın mətbuat xidmətinə istinadən xəbər verir ki, 33 yaşlı stopper dörd həftə yaşıl meydanlardan kənarda qalacaq.
Tibbi müayinə zamanı Martinesin sağ dizində problem aşkarlandığı bildirilib.
Qeyd edək ki, "Barselona" Səudiyyə Ərəbistanının Ciddə şəhərində baş tutan həlledici matçda əzəli rəqibi "Real"a 5:2 hesabı ilə qalib gəlib.
