"Qalatasaray"ın müdafiəçisi Viktor Nelsson karyerasını Fransada davam etdirə bilər.
Sportal.az xəbər verir ki, "Renn" danimarkalı futbolçunu transfer etmək istəyir. Bu barədə Türkiyə mətbuatı məlumat yayıb.
Fransa klubu Nelsson üçün "sarı-qırmızılar"a yarımmüdafiəçi mövqeyində çıxış edən həmyerlisi Albert Qrönbaeki təklif edib. Klublar arasında danışıqlar gedir.
Qeyd edək ki, "Qalatasaray" Viktir Nelssonu 2021-ci ilin avqust ayında "Kopenhagen"dən transfer edib. 25 yaşlı mərkəz müdafiəçisi bu mövsüm İstanbul təmsilçisinin heyətində 16 rəsmi matçda meydana çıxıb. "Renn" isə Albert Qrönbaeki mövsümün əvvəlində "Budo Qlimt"dən heyətinə qatıb. 23 yaşlı dayaq yarımmüdafiəçisi Liqa 1 təmsilçisinin forması ilə keçirdiyi 17 rəsmi görüşdə 2 qol və 1 məhsuldar ötürmə ilə yadda qalıb. Hər iki oyunçu Danimarka millisinin üzvüdür.
saytlarin hazirlanmasi
