UEFA-ya üzv ölkələrin təhlükəsizlik xidmətinin əməkdaşları üçün seminar keçirilib.
İdman.biz xəbər verir ki, tədbir İsveçrənin Nyon və Cenevrə şəhərlərində təşkil olunub.
Seminarda AFFA-nın əməkdaşı – Beynəlxalq oyunlarda təhlükəsizlik üzrə baş mütəxəssis Elnur İbişov da iştirak edib. İki gün davam edən seminarda Avropa çempionatı, eləcə də, avrokubok oyunlarında təhlükəsizlik əməkdaşlarının işlərində nöqsanlar müzakirə olunub.
Həmçinin matçlar zamanı zonalara bölünmə, biletlərin yoxlanış qaydaları və tamaşaçıların stadiona maneəsiz giriş-çıxışlarına nəzarətlə bağlı söhbətlər aparılıb.
İdman.biz
