Azərbaycan Dövlət Pedaqoji Universitetinin Strateji İnkişaf Mərkəzi (ADPU SİM) və Məktəbəqədər və Ümumi Təhsil üzrə Dövlət Agentliyinin (MÜTDA) birgə təşkilatçılığı ilə həyata keçirilən “Məktəbəqədər təhsildə liderlik” proqramı üzrə yekun qiymətləndirmə təşkil edilib.Bu barədə universitetdən TƏHSİL.BİZ -ə məlumat verilib. Bildirilib ki, imtahan Bakı, Sumqayıt, Abşeron və regionlardan proqrama qoşulan iştirakçılar üçün Bakı şəhərində, Naxçıvan MR-dən qoşulan iştirakçılar üçün isə Naxçıvan şəhərində əyani formada təşkil olunub. 3 saat müddətində davam edən imtahanda namizədlər “Məktəbəqədər təhsil müəssisələrinin idarə olunması və liderlik”, “Məktəbəqədər təhsil müəssisələri heyətinin idarə olunması”, “Təlim-tərbiyə prosesinin təşkili və idarə edilməsi”, “Məktəbəqədər təhsil müəssisələrində daxili keyfiyyət sisteminin qurulması”, “Sağlamlıq, təhlükəsizlik və rifah”, “Məktəbəqədər təhsil müəssisələrində sənədlərlə iş” modulları üzrə sualları cavablandırıblar.
Qeyd edək ki, imtahan nəticələrinə əsasən hər bir modul üzrə davamiyyət göstəricisi 50%-dən yuxarı və 6 moduldan ən azı 4-ü üzrə yekun qiymətləndirmə nəticəsi uğurlu olan iştirakçılara “Uğur diplomu” təqdim olunur. Hər bir modul üzrə davamiyyət göstəricisi 50%-dən yuxarı və 6 moduldan ən azı 1-i üzrə uğurlu nəticə göstərən iştirakçılara isə proqramın “Dinləyici sertifikatı” təqdim olunacaq.
.jpeg)
.jpeg)
.jpeg)
.jpeg)
