İran Hərbi Dəniz Qüvvələrinin komandanı, kontr-admiral Şəhram İrani bildirib ki, yerli mütəxəssislər tərəfindən hazırlanmış unikal “Zaqros” esminesi tezliklə silahlanmaya daxil olaraq dənizə çıxacaq.
Herbiand.az bildirir ki, bu barədə “Mehr” agentliyi məlumat yayıb.
“Bu həftə İranın bilik və imkanlarından istifadə edilməklə və fərqli xüsusiyyətlərə malik olan “Zaqros” adlı unikal döyüş gəmisi suya buraxılaraq bölgədə fəaliyyətə başlayacaq”, - İrani bildirib.
Press TV xəbər verir ki, “Zaqros” İran donanmasının həm döyüş, həm də kəşfiyyat missiyaları üçün nəzərdə tutulan ən müasir esminesidir.
Kontr-admiral həmçinin qeyd edib ki, bu həftə strateji Cask bölgəsində ölkənin ən böyük hərbi mərkəzinin açılışı olacaq: "Bura ən müasir avadanlıqlarla təchiz edilmiş xüsusi dok stansiyaları daxil olacaq".
Bəxtiyar CƏFƏRLİ
