Fransanın PSJ klubu hücum xəttini yeni oyunçu ilə gücləndirəcək.
Sportal.az xəbər verir ki, Paris təmsilçisi "Napoli"də çıxış edən Xviça Kvaratsxeliyanın keçidini yekunlaşdırmaq üzrədir. Bu barədə insayder Fabritsio Romano məlumat yayıb.
PSJ gürcü vinger üçün İtaliya klubuna 70 milyon avro və əlavə bonuslar ödəyəcək. Kvaratsxeliya özü də Fransa klubu ilə şəxsə müqavilənin şərtlərini razılaşdırıb. Onun PSK-dəki maaşı hazırkı klubunda qazandığından 4-5 dəfə çox olacaq.
Qeyd edək ki, "Napoli" Xviça Kvaratsxeliyanı 2022-ci ilin yayında Batumi "Dinamo"sundan transfer edub. Gürcüstan millisinin üzvü olan 23 yaşlı futbolçu bu mövsüm Neapol təmsilçisinin heyətində meydana çıxdığı 19 rəsmi matçda 5 qol və 3 məhsuldar ötürmə ilə yadda qalıb.
saytlarin hazirlanmasi
