“Aktau şəhəri yaxınlığında qəzaya uğrayan “Azərbaycan Hava Yolları” QSC-nin (AZAL) təyyarəsinin “qara qutularının” deşifrə edilməsi mətbuatda verilən bəzi ilkin qənaətləri təsdiqləmir”.
Yeniavaz.com xəbər verir ki, bunu Rusiyanın xarici işlər naziri Sergey Lavrov 2024-cü ildə Rusiya diplomatiyasının yekunlarına həsr olunmuş mətbuat konfransında deyib.
“Braziliyada istintaq zamanı xüsusi iclas keçirildi, biz “qara qutuları” açdıq. Onların məzmunu artıq çoxlu maraqlı məlumatlar təqdim edib. “Qara qutuların” məzmunu bizə bir daha izah edir ki, tam araşdırmanı gözləmək lazımdır. İndi “qara qutulardakı” məlumatlarla təsdiqini tapmayan məlumatlardan istifadə edərək media məkanında ab-havanı qarışdırmağa ehtiyac yoxdur”, - Lavrov deyib.
Nazirin qeyd edib ki, Azərbaycanla hazırkı strukturlaşdırılmış əlaqələr bütün faktların öyrənilməsi əsasında istənilən məsələni operativ şəkildə həll etməyə imkan verir.