Qərbi Afrika ölkələrindən biri olan Sierra Leonedə 2 nəfərdə meymun çiçəyi (mpox) virusu aşkar edildikdən sonra "fövqəladə vəziyyət" elan edilib.
Ölkə mətbuatında yer alan xəbərlərə görə, Səhiyyə naziri Dr. Austin Demby jurnalistlərə bildirib ki, ölkədə 2 meymun çiçəyi hadisəsinin təsdiqlənməsi İctimai Sağlamlıq Aktına uyğun olaraq təcili tədbirlər görülməsini tələb edir.
"Sierra Leone hökuməti adından mən ictimai səhiyyə ilə bağlı fövqəladə vəziyyət elan edirəm", - deyə o, qeyd edib.
Sierra Leone hökuməti yanvarın 11-də ölkədə ilk meymun çiçəyi xəstəliyinin aşkar edildiyini açıqlayıb.
