ABŞ-ın Los-Anceles şəhərində davam edən yanğınlar nəticəsində dəyən ümumi zərərin və iqtisadi itkilərin 250-275 milyard dollar arasında olduğu təxmin edilir.
Turkustan.az xəbər verir ki, Los-Anceles bölgəsi yanvarın 7-dən bəri tarixində ən böyük yanğına səhnə olub. Güclü küləyin təsiri ilə sürətlə yayılan yanğınlarda indiyədək 160 min hektardan çox ərazi yanaraq külə dönüb. Ən azı 24 nəfər həyatını itirib, 12 mindən çox tikili, o cümlədən məşhurların evləri dağılıb. Davam edən yanğınların vurduğu ümumi zərərin və iqtisadi itkilərin 250-275 milyard dollar arasında olduğu təxmin edilir.
ABŞ prezidenti Co Bayden açıqlamasında, "Los-Ancelesin bərpası üçün on milyardlarla dollara ehtiyac var. Konqres işə qarışmalı və bu ehtiyacı maliyyələşdirməlidir. Biz bunu təmin edəcəyik" deyib.
Aytən Yaşar/ Turkustan.az
